حاجة متتوصفش!!

إنت إله عظيم فعلًا

زوجتي  جاي مدمنة جدًا على أبلكيشن في الموبايل اسمه “لوّن بالأرقام”

اللعبة بسيطة: تضغط على رقم، يطلع لك لون، وتملّا المكان وخلاص، من غير ما تكون  رسّام ولا تعرف ترسم.

اللعبة معمولة علشان تهدي الأعصاب وتخفف التوتر. حاجة كده للراحة والاسترخاء.

(وعلى فكرة… أنا كمان مدمنها شوية 😅).

ساعات الصورة الواحدة تاخد ساعة كاملة، وفيها يمكن 3000 مربع صغير لازم يتلوّنوا واحد واحد.وفي الآخر تطلع صورة جميلة جدًا.

 الصورة اللي عملتها دي،عملتها وأنا في أجازة في كيب تاون 

قبل ما أطلع على البلكونة وأرفع عيني للسماء وأشوف الحقيقة بقى: 

السماء، والنجوم، والقمر، في جمال ما يتوصفش. 

ساعتها افتكرت كلام إشعياء لما قال: 

🟦 ٱرْفَعُوا إِلَى ٱلْعَلَاءِ عُيُونَكُمْ وَٱنْظُرُوا، مَنْ خَلَقَ هَذِهِ؟ مَنِ ٱلَّذِي يُخْرِجُ بِعَدَدٍ جُنْدَهَا، 

يَدْعُو كُلَّهَا بِأَسْمَاءٍ. “إِشَعْيَاءَ 26:40”

قلت لنفسي:

أنا أخدت ساعة علشان أعمل صورة على الموبايل…

وربنا كل ليلة في حياتي بيوريني السماء دي كلها،من غير تعب، 

من غير خطة “لوّن بالأرقام”.

تاني يوم رحنا كيرستنبوش، وشوفت ألوان ونباتات وأنواع ما تتعدش ولا تحصى.

وبعدين وإحنا راجعين من كيب تاون وعدّينا من ممر ميرينغي بورت، وبقينا نبكي من كتر جمال وعظمة الجبال والتلال.

وربنا عمل كل ده من غير ما يكون قدامه رسم جاهز يمشي عليه.

وافتكرنا كلام أيوب لما قال: 

🟦 فَٱسْأَلِ ٱلْبَهَائِمَ فَتُعَلِّمَكَ، وَطُيُورَ ٱلسَّمَاءِ فَتُخْبِرَكَ. 8أَوْ كَلِّمِ ٱلْأَرْضَ فَتُعَلِّمَكَ، وَيُحَدِّثَكَ سَمَكُ ٱلْبَحْرِ. 9مَنْ لَا يَعْلَمُ مِنْ كُلِّ هَؤُلَاءِ أَنَّ يَدَ ٱلرَّبِّ صَنَعَتْ هَذَا؟ 10ٱلَّذِي بِيَدِهِ نَفَسُ كُلِّ حَيٍّ  وَرُوحُ كُلِّ ٱلْبَشَرِ. “أيوب 12 :7-10”

 

في تأمل النهارده، ليه ما تسمعش ترنيمة “Iربي كل الخليقة بتعلن حقيقة أنك صالح”

 وتسيب قلبك يغرق في عبادة ربنا الخالق، اللي أغدق علينا كل عطية حلوة في الخليقة.

 

مع خالص محبتي (قسيس روب)

راعي كنيسة بورت إليزابيث_جنوب افريقيا

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

Scroll to Top