إوعى تقرّب من الناس الضعيفة اللي ربنا بيحبهم

في الطائفة الكنسية اللي ربنا دعاني أخدم فيها، عندنا التزام واضح بحماية الناس الضعفاء والمُعرّضين للأذى
من خلال برنامج اسمه Safe Church. ومن الحاجات اللي حصلت مؤخرًا إني طلعت شهادة فيش وتشبيه سنوية
وقدّمتها للجنة Safe Church تحت قيادة رئيس كنيستنا، رئيس الشمامسة كلير فيلبس.

Safe Church معناه إننا نخلق خدمة كنسية آمنة وتحترم كل الناس، وتلتزم بمعايير رعوية واضحة
داخلة ضمن قوانين الكنيسة، وبتحدد إزاي الكهنة والخدام وكل اللي ليهم دور في الخدمة يتعاملوا مع شعب ربنا.

أنا متأكد إن اللي بيقروا التأمل ده داعمين للفكرة دي،

لكن اللي اكتشفته قد إيه الموضوع مهم جدًا
علشان الكنيسة ما تبقاش أبدًا مكان يُمارَس فيه تسلّط أو ضغط على الضعفاء،
زي ما بقينا نشوف في العالم حوالينا.
كتير من السياسيين بيستخدموا لغة عنيفة ويهاجموا الفئات الضعيفة علشان يخوّفوا الناس ويكسبوا تأييد أعمى، وده في حد ذاته نوع من الإساءة.

اللي أقدر أقوله لأي حد بيظلم غيره: ربنا مش بيحب الغرور ولا التسلّط ده. يسوع قال : 

🟦 وَمَنْ أَعْثَرَ أَحَدَ هَؤُلَاءِ ٱلصِّغَارِ ٱلْمُؤْمِنِينَ بِي فَخَيْرٌ لَهُ أَنْ يُعَلَّقَ فِي عُنُقِهِ حَجَرُ ٱلرَّحَى وَيُغْرَقَ فِي لُجَّةِ ٱلْبَحْرِ.”متى 6:18″

إن اللي يسبب أذى لحد ضعيف مؤمن بيه، يبقى الأفضل له ما يعملش كده أصلًا.
وربنا في العهد القديم واضح جدًا:

🟦 لَا تُسِئْ إِلَى أَرْمَلَةٍ مَّا وَلَا يَتِيمٍ. 23إِنْ أَسَأْتَ إِلَيْهِ فَإِنِّي إِنْ صَرَخَ إِلَيَّ أَسْمَعُ صُرَاخَهُ.”خر 22: 23-24″

رعاية الضعفاء كانت في قلب حياة القديسين السلت الأوائل، مش حاجة جانبية، لكنها جزء أساسي من روحانيتهم وقوانينهم وفهمهم للإنجيل. وطريق الحياة عند السلت بيقول بوضوح: “رسالتنا إننا نقف مع الفقير، واللي مالوش قوة، واللي بيتظلم، ونخدمهم حسب إرشاد ربنا”.

التأمل ده مختلف شوية عن المعتاد، لكن محتاجين نفتكر واجبنا الروحي تجاه المحرومين، والضعفاء، والشباب، وكبار السن. وكمان لازم ناخد بالنا إن فرض الأفكار والآراء بالقوة على الآخرين هو برضه نوع من الإساءة.

مهم  نكون صاحيين لأي إساءة أو ضغط زيادة على ناس لسة مش قوية كفاية تقف ثابتة في إيمانها وأمانها في المسيح. إحنا مطلوب مننا نكون قلب ربنا الممدود ليهم.

جون ستوت كتب عن العظة على الجبل وسمّاها “ثقافة مسيحية مضادة”، وبيوضح إزاي المسيحي مدعو يعيش حياة مختلفة: متواضع، رحيم، نقي القلب، صانع سلام، وجعان للبر. إحنا مدعوين نكون ملح ونور في عالم بيمجّد القوة والكبرياء والمصلحة. كلنا محتاجين نرجع نقرأ العظة على الجبل.

كونوا رعاة لقطيع ربنا في عالم محتاج الرحمة أكتر من القوة.الرب يبارككم.

ملحوظة:
لو تعرف أي شخص بيتعرض لإساءة أو ظلم، من فضلك اتواصل مع مسئول في كنيستك أو مكان شغلك لأخذ الإرشاد المناسب.

صلي معايا بكلمات الترنيمة دي